ABŞ Prezidenti Donald Tramp Rusiyada vəba xəstəliyinin yayılması ilə bağlı vəziyyəti COVID-19 pandemiyasının Çində başladığı dövrlə müqayisə edib.
Tramp jurnalistlərin Rusiyadakı vəba hadisəsinin onda COVID-19 pandemiyasının başlanğıcı ilə bağlı eyni hissləri yaradıb-yaratmadığı barədə sualını cavablandırarkən bildirib ki, Çin həmin vaxt bir çox məlumatı açıqlamırdı, Rusiyada da vəziyyətlə bağlı bütün məlumatların verilmədiyini düşünür.
“Çin o zaman çox şey demirdi, Rusiya da çox şey demir. Lakin onlar vəziyyətə tam nəzarət etdiklərini bildirirlər”, – deyə ABŞ Prezidenti qeyd edib.
Tramp bununla yanaşı, Rusiyada vəba xəstəliyinin yayılmasının bioloji silahla əlaqəli olduğunu düşünmədiyini vurğulayıb.
“Biz belə düşünmürük. Çox keçmədən bunu öyrənəcəyik, amma belə düşünmürük”, – deyə o bildirib.
ABŞ Prezidenti əlavə edib ki, Rusiya tərəfinin açıqlamalarına əsasən, xəstəliyin yayılması ilə bağlı vəziyyət nəzarət altındadır.
Şəhla Sabirli
İNFOAZ.MEDİA
