Cənubi Kiprdə yerləşən Trozena ətrafında genişmiqyaslı daşınmaz əmlak alışı ilə bağlı mübahisəli iddialar gündəmə gəlib.
İNFOAZ.MEDİA xəbər verir ki, israilli investorlar kənd ərazisinin təxminən 70 faizinə yaxın hissəsini, o cümlədən bir sıra torpaq sahələri və binaları satın alıblar. Bu alışların bölgədə əhəmiyyətli mülkiyyət nəzarətinin dəyişməsinə səbəb olduğu bildirilir.
Bəzi iddialara əsasən, özəl təhlükəsizlik xidmətləri kəndin müəyyən hissələrinə girişə məhdudiyyət qoyub və bəzi ziyarətçilərin əraziyə daxil olmasının qarşısını alıb. Bu isə yerli ictimaiyyət və media arasında narahatlıq yaradıb.
Lakin Kipr hakimiyyət orqanları açıqlama yayaraq kəndin dövlət nəzarətində olduğunu və ictimai girişin məhdudlaşdırılmadığını bildirib. Rəsmilər bölgədə qanunvericiliyə uyğunluğun yoxlanıldığını vurğulayıblar.
Rauf
