ABŞ Mərkəzi Komandanlığı (CENTCOM) məlumat yayıb ki, Ərəbistan dənizində ABŞ dəniz piyadaları “31-ci Dəniz Ekspedisiya Bölməsi”nə aid qüvvələr kommersiya gəmisini saxlayaraq yoxlama həyata keçirib.
İNFOAZ.MEDİA xəbər verir ki, “M/V Blue Star III” adlı kommersiya gəmisinin İran limanlarına gedib-getmədiyi ilə bağlı şübhələr olub. ABŞ hərbçiləri gəmidə yoxlama apardıqdan sonra onun İran limanına daxil olmayacağı təsdiqlənib və gəmi daha sonra sərbəst buraxılıb.
CENTCOM bildirib ki, əməliyyat ABŞ-ın İran limanlarına qarşı tətbiq etdiyi dəniz nəzarəti çərçivəsində həyata keçirilib və hazırkı mərhələyə qədər təxminən 39 gəmi qaydalara uyğunluq üçün istiqamətləndirilib və ya yoxlanılıb.
Hadisə ABŞ qüvvələrinin bölgədə dəniz hərəkətinə nəzarət və sanksiya rejiminin icrası çərçivəsində davam edən əməliyyatlarının bir hissəsi kimi qiymətləndirilir.
Rauf
