Türkiyə hakimiyyəti İsrailin casusluq agentliyi Mossad üçün casusluqda şübhəli bilinən iki şəxsi İstanbulda saxlayıb. Bu barədə İstanbul Baş Prokurorluğu məlumat verib.
İNFOAZ.MEDİA xəbər verir ki, şübhəlilər, Türkiyə Milli Kəşfiyyat Təşkilatı, prokurorluq və İstanbul Polis İdarəsinin terrorizmlə mübarizə şöbəsi tərəfindən koordinasiyalı aparılan MONITUM adlı əks-kəşfiyyat əməliyyatı çərçivəsində tutulublar.
TRT-nin məlumatına görə, şübhəlilər əsasən İsrail siyasətinə qarşı çıxan fələstinlilərlə sosial və kommersiya əlaqələri vasitəsilə kəşfiyyat məlumatları toplayıb və fərdlər, yerlər və şəbəkələr haqqında məlumatları Mossad-a ötürüblər.
Məlumata görə, şübhəlilərdən biri Avropa ölkələrində Mossad agentləri ilə görüşlər keçirib və Qəzzaya girmək üçün icazə almağa cəhd edərək orada anbar obyektlərində kəşfiyyat aparıb, fotoşəkilləri Mossad-a göndərib.
Hüquqi prosedurlar davam etdiyindən hər iki şəxs həbsdə saxlanılır.
Jalə
