Rusiya Prezidenti Vladimir Putin amerikalı milyarder İlon Maskı dahi adlandırıb və Moskvanın kosmos sahəsində onunla sıx əlaqə saxladığını bildirib.
İNFOAZ.MEDİA xəbər verir ki, Putin bu barədə oktyabrın 28-də Moskvada keçirilən Rusiya-Afrika sammiti çərçivəsində danışıb. 
“İlon Mask dahidir, həqiqətən də dahidir. Onun orbitdə 5 mindən çox peyki var. Biz isə bu sahədə ilk addımlarımızı atırıq”, – deyə Putin bildirib.
Rusiya liderinin sözlərinə görə, kosmosda peyklərin bir-birinə mane olmaması, nizam-intizamın qorunması üçün ABŞ tərəfi, o cümlədən İlon Maskla sıx əlaqələr davam etdirilir.
Putin həmçinin Rusiyanın özünün “Starlink” sisteminə alternativ olan “Rassvet” peyk şəbəkəsini müstəqil şəkildə inkişaf etdirməyə başladığını vurğulayıb.
Jalə
