İranda tanınmış insan haqları müdafiəçisi, Nobel Sülh Mükafatı laureatı Nərgiz Məhəmmədi yeddi ildən çox həbs cəzasına məhkum edilib. Onun tərəfdarlarının bildirdiyinə görə, Məhəmmədi 2 fevraldan aclıq aksiyasına başlayıb.
İNFOAZ.MEDİA xəbər verir ki, hökm Məşhəd məhkəməsi tərəfindən çıxarılıb. Vəkili Mostafa Nili bildirib ki, Məhəmmədi:
“toplaşma və sui-qəsd” ittihamı ilə 6 il,
“rejim əleyhinə təbliğat” ittihamı ilə 1 il 6 ay həbs cəzası alıb,
həmçinin 2 il ölkədən çıxış qadağası və 2 il daxili sürgün cəzası verilib.
Məhəmmədi 2024-cü ilin dekabrında səhhətinə görə müvəqqəti azadlığa buraxılsa da, yenidən həbs olunub. O, 2022-ci ildə Məhsə Əmininin ölümündən sonra baş verən etirazları açıq şəkildə dəstəkləyib və bu səbəbdən dəfələrlə təzyiqlərə məruz qalıb.
Tərəfdarları bildirir ki, Məhəmmədi həbsxanada olarkən ürək tutmaları keçirib, sonradan isə xərçəng şübhəsi ilə əməliyyat olunub. Vəkili onun səhhətini nəzərə alaraq girov qarşılığında müvəqqəti azadlığa buraxılmasının gözlənildiyini deyib.
Son etirazlardan sonra İran hakimiyyəti müxalifətə qarşı daha sərt tədbirlər görməyə başlayıb.
Rauf
