Çində 500 milyon ildən çox əvvəl yaşamış və indiyədək elmə məlum olmayan təxminən 100 heyvan növü aşkar edilib.
İNFOAZ.MEDİA-nın xəbərinə görə, bu barədə Hunan əyalətində yerləşən unikal fosil sahəsini araşdıran tədqiqatçılar açıqlama veriblər.
Alimlər sözügedən ərazidən 50 mindən çox fosil nümunəsi toplayıblar. Aparılan araşdırmalar nəticəsində 150-dən artıq qədim orqanizm növü müəyyən edilib ki, onlardan 91-i elm üçün tamamilə yeni hesab olunur. Tapıntıların əksəriyyətində yumşaq toxumalar — o cümlədən daxili strukturlar — qorunub saxlanılıb ki, bu da olduqca nadir haldır.
Tədqiqat rəhbərlərindən biri bildirib:
“Bir çox fosillərdə qəlsəmələr, bağırsaqlar, gözlər və hətta sinir sistemi kimi yumşaq toxumaların izləri aydın şəkildə müşahidə olunur”.
Jalə
