Ukrayna və Rusiya nümayəndələri Donbasda heç bir tərəfin hərbi nəzarət etməyəcəyi demilitarizasiya zonasının yaradılması imkanını müzakirə ediblər.
İNFOAZ.MEDİA-nın məlumatına görə, bu təşəbbüs Donald Trump administrasiyasının 28 bəndlik “sülh planı”nda yer alan təklifin yenidən gündəmə qaytarılmasıdır.
ABŞ-ın Kiyevdəki keçmiş səfiri William B. Taylor Jr. hesab edir ki, belə zona müharibənin həllinə töhfə verə bilər. Lakin o vurğulayıb ki, qərar balanslı olmalı və Ukraynanın maraqları qorunmalıdır. Onun fikrincə, birtərəfli və məcburi razılaşma uzunömürlü olmayacaq.
Tərəflər mümkün ərazidə azad ticarət zonasının yaradılmasını da nəzərdən keçiriblər.
Rauf
