Cənubi Afrikanın Şərqi Keyp əyalətində son günlər müşahidə olunan ekstremal hava şəraiti nəticəsində ölənlərin sayı beşə çatıb. Bu barədə yerli hakimiyyət orqanları məlumat yayıb.
İNFOAZ.MEDİA xəbər verir ki, günlərlə davam edən güclü yağış, külək, daşqın və ildırım hadisələri ciddi fəsadlara yol açıb. Ölüm hallarının əsasən ildırım vurması və fırtına nəticəsində yaranan struktur ziyanlarla əlaqəli olduğu bildirilib. Xinhua agentliyinin məlumatına görə, həlak olanlar arasında yeddi yaşlı uşaq da var.
Bələdiyyənin açıqlamasına əsasən, 260-dan çox ev zərər görüb, təxminən 160 ailə isə evsiz qalıb. Rayonun icraçı meri Mesuli Nqqondvana həlak olanların ailələrinə başsağlığı verərək, sakinləri hava xəbərdarlıqlarına ciddi yanaşmağa çağırıb.
Qeyd edək ki, bölgə üzrə 6-cı səviyyəli ekstremal hava xəbərdarlığı qüvvədədir və yardım tədbirləri davam etdirilir.
Rauf
