ABŞ prezidenti Donald Tramp İranla bağlı diplomatik prosesə dair yeni açıqlama verib.
İran-la yenilənən atəşkəs və mümkün danışıqlar fonunda Tramp bildirib ki, Tehran rəhbərliyi çox qısa müddət ərzində daxili fikir ayrılıqlarını aradan qaldıraraq yenidən sülh danışıqlarına qayıtmalıdır.
İNFOAZ.MEDİA xəbər verir ki, ABŞ rəsmiləri hesab edir ki, hələ də razılaşma əldə etmək imkanı var, lakin hazırda İran daxilində ciddi parçalanma mövcuddur və bu, vahid cavab verilməsini çətinləşdirir.
Məlumata əsasən, Vaşinqton Tehran üçün bir neçə günlük “qısa pəncərə” müəyyən edib və bu müddət ərzində konkret və birləşmiş mövqe ortaya qoyulmazsa, diplomatik prosesin gələcəyi risk altına düşə bilər.
ABŞ tərəfi eyni zamanda bildirir ki, hazırkı vəziyyətə baxmayaraq, diplomatik həll yolu hələ də mümkün hesab olunur, lakin İranın qərarvermə mexanizmi daxilində ciddi koordinasiya problemi yaşanır.
Jalə
