İraq Baş naziri Əli əl-Zeydinin göstərişi ilə ölkənin İranla cənubdakı əsas sərhəd-keçid məntəqəsi növbəti bildirişədək bağlanıb.
İNFOAZ.MEDİA xəbər verir ki, rəsmi şəxslərin sözlərinə görə, qərar təhlükəsizlik yoxlamalarının aparılması və qadağan olunmuş materialların qaçaqmalçılığının qarşısını almaq üçün müvafiq avadanlıqların quraşdırılması ilə əlaqədardır.
Əl-Şib sərhəd-keçid məntəqəsi ərzaq, tikinti materialları və Nəcəf, Kərbəla şəhərlərinə gedən iranlı zəvvarların daşınması baxımından mühüm əhəmiyyət daşıyır.
Məlumata görə, İranla digər sərhəd-keçid məntəqələrinin də mərhələli şəkildə bağlanması gözlənilir. Bu addım İraqın cənubunda ticarətə mane ola və qiymətlərin artmasına səbəb ola bilər.
Qeyd edək ki, ötən il İraqla İran arasında ticarət dövriyyəsi 10 milyard dolları ötüb. Tehran isə ikitərəfli qaydalara əsasən əvvəlcədən xəbərdarlıq edilməli olduğunu bildirərək qərara etiraz edib.
Jalə
