CNN-in məlumatına görə, aprel ayında İran üzərində vurulan ABŞ-ın F-15 qırıcısının pilotu hadisədən əvvəl qeyri-adi formada hərəkət edən İran dronlarını gördüyünü bildirib. Pilotun sözlərinə görə, dronlar birlikdə koordinasiyalı şəkildə hərəkət edir və görünüşcə “meduzaya” bənzər formasiya yaradırdı.
İNFOAZ.MEDİA xəbər verir ki, bu ifadələr ABŞ kəşfiyyat qurumlarında müzakirələrə səbəb olub. Rəsmilər bunun İranın əvvəllər məlum olmayan dron imkanını, sınaq sistemini və ya pilotun aldığı xəsarətlə bağlı müşahidə fərqini əks etdirib-etdirmədiyini araşdırırlar.
Hazırda diqqət dronların bir-biri ilə əlaqəli şəkildə vahid sistem kimi işləməsinə imkan verən inkişaf etmiş “mesh-network” tipli koordinasiya texnologiyasının istifadə olunub-olunmadığına yönəlib. Bu ehtimal təsdiqlənərsə, bu, İranın pilotsuz uçuş proqramında mühüm texnoloji irəliləyiş kimi qiymətləndirilə bilər.
Jalə
