Seksoloq Yelena Perelygina həyat yoldaşları arasında ideal yaş fərqinin iki-üç il olduğunu bildirib. Mütəxəssis hesab edir ki, bu yaş intervalı cütlüklər arasında daha yaxşı qarşılıqlı anlaşma və ortaq maraqların formalaşmasına şərait yaradır ki, bu da münasibətlərin ahəngdar olmasına töhfə verir.
İNFOAZ.MEDİA bildirir ki, psixoloji və fizioloji baxımdan həyat yoldaşlarının eyni yaşda olması və ya aralarında cəmi iki-üç yaş fərqinin mövcudluğu daha ideal hesab olunur. Bu halda tərəflər həyata baxış, maraqlar və gündəlik ünsiyyət baxımından bir-birini daha asan anlayır, yaxınlıq məsələsində isə ciddi fizioloji fərqlər yaranmır.
Yelena Perelygina vurğulayıb ki, böyük yaş fərqi olan münasibətlərdə tez-tez əlavə çətinliklər ortaya çıxır. Belə cütlüklərdə tərəflərdən birinin valideynləri ilə həll olunmamış psixoloji problemləri münasibətlərə mənfi təsir göstərə bilər.
Mütəxəssis 15 ildən artıq yaş fərqini xüsusilə riskli hesab edir. Onun fikrincə, bu cür münasibətlər fiziki sağlamlıq problemlərinə, hər iki tərəfdə stressin artmasına və zamanla marağın azalmasına səbəb ola bilər.
Jalə
