98-ci “Oskar” mükafatına namizədlər açıqlanıb. Namizədlər yanvarın 22-də Hollivudda elan edilib. Mükafatlandırma mərasimi 15 mart 2026-cı ildə Los-Ancelesdəki Dolby Teatrında keçiriləcək.
“Ən Yaxşı Film” nominasiyasında 10 film mübarizə aparacaq. Onların arasında “Bugonia”, “Hamnet”, “Günahkarlar”, “Sentimental Value”, “Bir Döyüş Ardınca Bir Döyüş” və digər filmlər yer alır.
“Ən Yaxşı Rejissor” nominasiyasında Chloé Zhao, Coş Safdi, Pol Tomas Anderson, Yoahim Trier və Rayan Kuqler namizəddir.
Rayan Kuqlerin “Günahkarlar” filmi 16 nominasiya ilə siyahıya liderlik edir ki, bu da Akademiya tarixində rekord göstəricidir.
Bu il Oskarda yeni “Ən Yaxşı Aktyor Seçimi” kateqoriyası təqdim olunub, həmçinin səsvermə qaydaları sərtləşdirilib – Akademiya üzvləri səs verdikləri filmləri izlədiklərini təsdiqləməlidirlər.
Namizədlərin tam siyahısı mükafatın rəsmi saytında dərc olunub.
Jalə
İNFOAZ.MEDİA
