ABŞ Prezidenti Donald Tramp ilə İsrailin Baş naziri Benyamin Netanyahu arasında Yaxın Şərq siyasəti, xüsusilə İran məsələsi ilə bağlı fikir ayrılıqlarının artdığı bildirilir.
İNFOAZ.MEDİA xəbər verir ki, Tramp bölgədə gərginliyin azaldılmasını, davam edən münaqişələrin sona çatdırılmasını və İranla diplomatik razılaşma əldə olunmasını istəyir.
Tramp administrasiyası İranla danışıqlar yolu ilə razılaşmaya üstünlük verir və bölgədə eskalasiya riskinin azaldılmasını hədəfləyir.
Bunun əksinə olaraq, Netanyahunun İran və onun müttəfiqlərinə, o cümlədən Hizbullah kimi qruplara qarşı hərbi təzyiq siyasətini davam etdirməyə daha meylli olduğu qeyd olunur.
Tərəflər arasında mövqelər fərqli olsa da, bu müzakirələr hələlik davam edən diplomatik proses çərçivəsində qiymətləndirilir və yekun qərarlar hələ qəbul edilməyib.
Rauf
