Ukrayna FIFA Dünya Kubokuna Polşa ilə birgə ev sahibliyi etməyi düşünür. Bu, 2040-cı illərə qədər gerçəkləşə bilməyəcək bir perspektivdir, deyə Ukraynanın Gənclər və İdman naziri Matvey Bedny “Politico”ya bildirib.
Matvey Bedni bildirib ki, Kiyev Polşa ilə Dünya Kubokuna ev sahibliyi etmək üçün birgə müraciət etmək imkanlarını araşdırmaqda maraqlıdır.
Bedni deyib: “Dünya Kuboku üçün növbəti mümkün tarix 2040-cı illərdədir, ona görə də indi bunu nəzərə alaraq planlaşdırmalıyıq. Biz böyük idman nailiyyətlərinə nail olmağa sadiq bir ölkə olaraq qalırıq. Bu, milli mədəniyyətimizin bir hissəsidir və bütün çətinliklərə baxmayaraq, onu inkişaf etdirmək istəyirik”. O, həmçinin vurğulayıb ki, Kiyev UEFA-ya rəsmi müraciət etməyib.
Ukrayna və Polşa artıq böyük futbol turnirinə birgə ev sahibliyi etmək təcrübəsinə malikdirlər. 2012-ci ildə ölkələr Avropa Çempionatına birgə ev sahibliyi ediblər.
Polşa tərəfi “Politico”ya bildirib ki, Polşa İdman və Turizm Nazirliyi hazırda Ukrayna ilə Dünya Kubokuna birgə ev sahibliyi etmək barədə danışıqlar aparmır.
Şəhla Sabirli
İNFOAZ.MEDİA
