ABŞ Prezidenti Donald Tramp administrasiyası Kubanın əsas gəlir mənbələrindən biri olan xaricdəki tibbi missiyalara qarşı təzyiqi gücləndirir.
İNFOAZ.MEDİA xəbər verir ki, Vaşinqton bu proqramın kubalı həkimlərin məcburi əməyə cəlb edilməsi ilə əlaqəli olduğunu iddia edir və digər ölkələri Kuba ilə bu sahədəki müqavilələri dayandırmağa və ya azaltmağa çağırır. ABŞ həmçinin əməkdaşlığı davam etdirən ölkələrin rəsmilərinə viza məhdudiyyətləri tətbiq oluna biləcəyini xəbərdar edib.
Artıq Yamayka, Qvatemala, Baham adaları və Honduras Kuba ilə tibbi əməkdaşlığını məhdudlaşdırıb və ya dayandırıb. Buna baxmayaraq, Sent-Lüsiya və Sent-Vinsent və Qrenadin kimi ölkələr səhiyyə sistemlərinin fəaliyyətini davam etdirmək üçün kubalı həkimlərə ehtiyac duyduqlarını bildiriblər.
Hazırda Kubanın xarici ölkələrdə təxminən 24 min tibb işçisi fəaliyyət göstərir. Bu proqram 2024-cü ildə ölkəyə təxminən 5,3 milyard dollar gəlir qazandırıb ki, bu da Kubanın ümumi ixrac gəlirlərinin təxminən yarısını təşkil edir.
Jalə
