Ukrayna Silahlı Qüvvələrinin yerli neft anbarına hücumundan sonra aviaşirkətlərin Soçi hava limanında təyyarələrə yanacaq doldurması məhdudlaşdırılıb. Bu barədə Rusiya mediası aeronaviqasiya informasiya sistemindəki müvafiq məlumata istinadən məlumat yayıb.
NOTAM-da bildirilir ki, “Soçi hava limanında yanacaq doldurma yalnız texniki səbəblərə görə yanacaq operatoru LUKOIL MMC tərəfindən həyata keçirilir; aviaşirkətlər bu operatorla yanacaq doldura biləcəklərini təsdiqləməlidirlər”.
Məhdudiyyət bu gün, Moskva vaxtı ilə saat 14:35-dən sabah, Moskva vaxtı ilə saat 13:30-a qədər qüvvədədir. Bu mesaj bu gün də yayımlanan əvvəlki mesajı əvəz edir. Orada bildirilirdi ki, bütün yanacaqdoldurma məntəqələrində yanacaqdoldurma ümumiyyətlə məhdudlaşdırılıb.
Həmçinin, Federal Hava Nəqliyyatı Agentliyinin açıqlamasına görə, uçuş təhlükəsizliyini təmin etmək üçün Soçi hava limanında təyyarələrin gəlişi və yola düşməsinə müvəqqəti məhdudiyyətlər tətbiq edilib.
Sentyabrın 4-ü gecəsi dronlar Soçi və Sirius şəhərlərinə hücum etdi. Binalara ziyan dəydi, neft anbarı və hava hücumundan müdafiə bölməsinin ərazisi yanğına çevrildi.
Şəhla Sabirli
İNFOAZ.MEDİA
