ABŞ-ın sanksiyaları və neft blokadası İranın onsuz da zəif olan iqtisadiyyatına ciddi təzyiq göstərir. Tədbirlər ölkənin xarici valyutaya, maliyyələşməyə və əsas ticarət marşrutlarına çıxışını məhdudlaşdırıb.
İNFOAZ.MEDİA xəbər verir ki, Reuters-in məlumatına görə, İranın xam neft ixracı bir il əvvəlki gündəlik təxminən 1,7 milyon bareldən 260 min barelə qədər azalıb. İran rialı isə ABŞ dolları qarşısında təxminən 1 milyondan 2,2 milyondan çox səviyyəyə qədər ucuzlaşıb.
İqtisadi təzyiq inflyasiyanın təxminən 70 faizə yüksəlməsinə və yanacaq çatışmazlığı riskinin artmasına səbəb olub. Ölkənin benzin ehtiyatlarının cəmi iki ay üçün kifayət etdiyi bildirilir.
Orta aylıq əməkhaqqının təxminən 125 dollar olduğu halda, bir ailənin əsas xərclərinin 450 dollar civarında olması əhalinin üzləşdiyi iqtisadi çətinliyi daha da artırır.
İran rəsmiləri iqtisadi vəziyyətin sürətlə pisləşdiyini bildirirlər. Reuters-in məlumatına görə, neft ixracının kəskin azalması hökumətin xarici valyuta gəlirlərini ciddi şəkildə məhdudlaşdırıb və iqtisadi təzyiqi daha da gücləndirib.
Jalə
