ABŞ Prezidenti Donald Tramp Ukraynadakı müharibənin başa çatdırılması istiqamətində mühüm irəliləyiş əldə olunduğunu bildirib.
İNFOAZ.MEDİA xəbər verir ki, Trampın sözlərinə görə, proses insanların düşündüyündən daha irəli mərhələdədir və tərəflər müharibənin bitməsinə yaxındırlar.
“Fikrimcə, biz insanların düşündüyündən daha yaxınıq. Putin bu müharibənin bitməsini istəyir. Bunu çox qəti şəkildə deyə bilərəm. Onunla yaxşı telefon danışığımız oldu”, – deyə ABŞ prezidenti bildirib.
Tramp əlavə edib ki, Volodymyr Zelenskyy də artıq müharibənin başa çatmasını istəyir.
ABŞ lideri qeyd edib ki, qarşıdakı NATO görüşündə də Ukrayna məsələsi əsas müzakirə mövzularından biri olacaq.
“Biz NATO toplantısına gedəcəyik və bunu müzakirə edəcəyik. Düşünürəm ki, bu müharibəni başa çatdıracağıq”, – deyə Tramp vurğulayıb.
Jalə
