“Mançester Siti”nin Premyer Liqanın maliyyə qaydalarının pozulması ilə bağlı 115 ittihamdan 114-ü üzrə təqsirli bilindiyi bildirilir. Bu barədə məsələ ilə tanış mənbələr “The Athletic”ə məlumat verib.
İNFOAZ.MEDİA xəbər verir ki, Kluba tətbiq ediləcək sanksiya hələ müəyyənləşdirilməyib. Mümkün cəzalar arasında cərimə, xal silinməsi və Premyer Liqadan xaric edilmə də var.
İttihamlar 2009–2018-ci illər arasında baş verdiyi iddia olunan maliyyə pozuntularına, o cümlədən klubun maliyyə məlumatlarını dəqiq təqdim etməməsi və UEFA ilə Premyer Liqanın qaydalarını pozması iddialarına aiddir.
“Mançester Siti” ittihamları davamlı olaraq rədd edib və qərardan apellyasiya şikayəti verəcəyi gözlənilir.
Rauf
