Xəstəxanaya yerləşdirilən Xalq şairi Nəriman Həsənzadənin vəziyyəti ağır stabil olaraq qalır.
Bu barədə Nəriman Həsənzadənin köməkçisi Arif Mehmandost deyib.
O bildirib ki, şair hazırda reanimasiya şöbəsindədir və kompleks müalicəsi davam etdirilir: “Hansı müddətə yaxşılaşacağı ilə bağlı heç kim heç nə deyə bilməz. Ümid edirik ki, inşallah tezliklə özünə gələr. Şüuru özündədir, amma danışmaqda çətinlik çəkir. Çünki süni tənəffüs aparatına qoşulub. Yavaş-yavaş göstəriciləri düzəlir. Hazırda dializ olunub, ümid edirik ki, müalicələrə müsbət cavab verər”.
A.Mehmandost qeyd edib ki, bir müddət əvvəl şairin vəziyyəti yaxşı olsa da, birdən-birə ağırlaşıb: “Böyrək çatışmazlığı olduğundan arada böyrək funksiyasını itirir. Bu səbəbdən də vəziyyəti qəflətən ağırlaşdı”.// Pravda.az
