İraq bildirib ki, əgər OPEC neft hasilatı kvotasını əhəmiyyətli dərəcədə artırmasa, təşkilatdan çıxmaq variantını nəzərdən keçirə bilər.
İNFOAZ.MEDİA xəbər verir ki, Bağdad rəsmiləri qeyd ediblər ki, ölkə üçün əsas prioritet OPEC-də qalmaqdır. Lakin onların fikrincə, hazırkı iqtisadi təzyiqlər fonunda İraqın hasilat limiti artırılmalı və ölkənin real istehsal gücü nəzərə alınmalıdır.
Məlumata görə, Hörmüz boğazı vasitəsilə ixracın pozulması İraq iqtisadiyyatına əlavə təzyiq yaradıb və bu səbəbdən daha yüksək istehsal kvotasına ehtiyac yarandığı bildirilir.
Analitiklər qeyd edirlər ki, İraqın mümkün çıxışı OPEC üçün ciddi zərbə ola bilər. Çünki ölkə təşkilatın ikinci ən böyük neft istehsalçılarından biridir və OPEC-in təsisçi üzvləri sırasında yer alır.
Jalə
