Nyu-York şəhərinin meri Zöhran Mamdani 11 sentyabr 2001-ci il terror aktlarının fəsadları ilə bağlı açıqlama verib.
İNFOAZ.MEDİA xəbər verir ki, “Artıq 25 ilə yaxın vaxt keçib və 11 sentyabrla əlaqəli xəstəliklərdən ölən insanların sayı həmin gün həyatını itirənlərin sayından çoxdur”, – Mamdani deyib.
O bildirib ki, hökumət hadisədən sağ çıxanların yanında dayansaydı və onların bütün ehtiyaclarını qarşılasaydı, vəziyyət fərqli ola bilərdi.
“İnsanlar xəstələndilər, çünki etibar etdikləri liderlər onlara yalan danışaraq zəhərli havanı nəfəs almağın təhlükəsiz olduğunu söylədilər”, – Mamdani vurğulayıb.
Onun sözlərinə görə, insanlar sonradan müxtəlif xəstəliklərin əlamətləri ilə mübarizə aparmağa başlayanda, onları təhlükəyə göndərməkdən çəkinməyən hökumət həmin insanların yanında olmayıb.
Mamdani hökumətin 11 sentyabr hadisələrindən sonra sağ qalanlara lazımi dəstəyi göstərmədiyini bildirib.
Rauf
