Ukrayna Polşada keçirilən müdafiə sərgisində yerli istehsal olan “Koral” zenit raketini təqdim edib. Raket həm təyyarələri, həm də ballistik hədəfləri məhv etmək üçün hazırlanıb.
İNFOAZ.MEDİA xəbər verir ki, 450 kiloqram ağırlığında olan raket inertial naviqasiya, radio korreksiyası və müstəqil son mərhələ tuşlanmasını təmin edən aktiv radar başlığından istifadə edir.
“Koral”ın hazırlanmasına 2016-cı ildə “Luch” Konstruktor Bürosunda başlanılıb. Raketin çəkisi ilkin layihə ilə müqayisədə 50 faiz artırılıb və döyüş başlığının çəkisi 36 kiloqrama çatdırılıb.
Raketin maksimal uçuş məsafəsi açıqlanmayıb. İlkin layihədə onun 30 kilometrədək məsafədə hədəfləri vurması nəzərdə tutulurdu.
Ukrayna “Koral”ı tamamilə yerli hava hücumundan müdafiə sisteminin orta mənzilli təbəqəsi kimi istifadə etməyi planlaşdırır. Bu layihə ölkənin “Patriot” səviyyəsində yerli hava hücumundan müdafiə imkanları yaratmaq istiqamətində daha geniş səylərinin bir hissəsidir.
Rauf
