Rusiya Ukraynada ağır itkiləri və canlı qüvvə çatışmazlığını kompensasiya etmək məqsədilə Afrikanın ən yoxsul ölkələrində hərbi xidmətə cəlbetmə fəaliyyətini genişləndirir.
İNFOAZ.MEDİA xəbər verir ki, bu barədə “Bloomberg” Ukrayna kəşfiyyatının hesabatına istinadən məlumat yayıb.
Hesabata görə, Burundidə Rusiya ordusuna cəlb olunanların sayı 2025-ci ildəki 30 nəfərdən 699-a, Zimbabvedə isə 65 nəfərdən 530-a yüksəlib. Syerra-Leone, Sudan, Kamerun və Konqo Demokratik Respublikasında da artım qeydə alınıb.
Bu proses bir sıra Afrika hökumətlərinin Rusiyanın cəlbetmə üsulları ilə bağlı narahatlıqlarını bildirməsindən sonra baş verir. İddialara görə, bəzi şəxslərə mülki iş vədləri verilib.
Ukrayna tərəfi Rusiya ordusunda xidmət müqaviləsi imzalayan 151 ölkədən 45 959 əcnəbinin kimliyini müəyyənləşdirdiyini açıqlayıb. Onlardan 5 451-nin Afrika ölkələrinin vətəndaşları olduğu bildirilir.
Rauf
