Fransa Prezidenti Emmanuel Makron Yaxın Şərq və Ukrayna ilə bağlı açıqlamalar verib.
İNFOAZ.MEDİA xəbər verir ki, Makron bildirib ki, İordan çayının qərb sahilində yaşayış məntəqələrinin genişləndirilməsi iki dövlətli həll perspektivlərini zəiflədiyi üçün dayandırılmalıdır.
Fransa liderinin sözlərinə görə, regionda davamlı sabitliyin təmin olunması üçün iki dövlət prinsipi əsasında siyasi həll imkanlarının qorunması vacibdir.
Makron Ukrayna məsələsinə də toxunaraq qeyd edib ki, ilk dəfə olaraq ABŞ əvvəlki neytral vasitəçi mövqeyindən uzaqlaşdığını göstərən yanaşmanı dəstəkləyib.
Onun sözlərinə görə, sözügedən yanaşma ABŞ-ın Ukraynanın ərazi bütövlüyünün dəstəklənməsi, hərbi və enerji yardımı göstərilməsi, eləcə də Rusiyaya qarşı sanksiyaların davam etdirilməsi istiqamətində Avropa ilə eyni mövqedə çıxış etdiyini ifadə edir.
Jalə
