Cənubi Koreya, ABŞ və Yaponiya 7-11 sentyabr tarixlərində Jeju adasının şərq və cənubundakı beynəlxalq sularda “Freedom Edge” adlı üçtərəfli hərbi təlimlər keçirəcək. Təlimlərin əsas məqsədi Şimali Koreyanın nüvə və raket təhdidlərinə qarşı hazırlığı gücləndirməkdir.
İNFOAZ.MEDİA xəbər verir ki, təlimlər ABŞ və Cənubi Koreyanın “Ulchi Freedom Shield” təlimlərini bu ay Vaşinqtonun qərarı ilə əhəmiyyətli dərəcədə azaltmasından sonra keçiriləcək. ABŞ Prezidenti Donald Tramp bu addımı Şimali Koreya ilə dialoqu yenidən başlatmaq cəhdləri çərçivəsində atmışdı.
Lakin Pxenyan bu jesti qəbul etməyib və təxminən 10 qısamənzilli ballistik raket buraxaraq təlimlərə reaksiya verib. Şimali Koreya ABŞ-ı “düşmən addımlar” atmaqda ittiham edib və Vaşinqton nüvəsizləşdirməni danışıqlar üçün şərt kimi irəli sürməkdən imtina etməyənə qədər dialoqa qayıtmayacağını bildirib.
Bu ilki “Freedom Edge” təlimlərində real vaxt rejimində məlumat mübadiləsi, hava və raketdən müdafiə, sualtı qayıqlara qarşı əməliyyatlar və dənizdə qarşılıqlı fəaliyyət imkanlarının genişləndirilməsi nəzərdə tutulur.
Rauf
