Beynəlxalq maliyyə məsələləri üzrə şərhçi və rəsmilərdən biri olan Skott Bessent İranın regiondakı siyasəti ilə bağlı açıqlama verib.
İNFOAZ.MEDİA xəbər verir ki, o bildirib ki, İranın Körfəz Əməkdaşlıq Şurasına (GCC) üzv olan qonşu ölkələrə qarşı atdığı addımlar ciddi strateji səhv olub.
Bessentin sözlərinə görə, bu vəziyyət əvvəllər tam şəffaf olmayan maliyyə əlaqələrinin dəyişməsinə səbəb olub.
“Bizim çox yaxşı müttəfiqlərimiz vardı ki, bəlkə də əvvəl İran pulları ilə bağlı bank sistemlərində tam şəffaf deyildilər. Lakin son hadisələrdən sonra həmin ölkələr birdən-birə daha ciddi qaydalara əməl etməyə və hesabların dondurulmasına yardım etməyə hazır oldular”, – deyə o bildirib.
Bessent əlavə edib ki, bu dəyişikliklər İranın maliyyə sisteminə və regiondakı iqtisadi təsir imkanlarına ciddi təsir göstərib.
Qeyd edək ki, Körfəz ölkələri və İran arasındakı münasibətlər son illərdə müxtəlif siyasi və təhlükəsizlik gərginlikləri fonunda dəyişkən olaraq qalır.
Rauf
