ABŞ administrasiyası İranla bağlı gərginlik fonunda ölkənin qabaqcıl hava hücumundan müdafiə sistemləri və yüksək dəqiqlikli raket ehtiyatlarının gözləniləndən daha sürətlə tükənməsindən narahatdır.
İNFOAZ.MEDİA xəbər verir ki, CBS News-un məlumatına görə, Patriot və THAAD sistemlərinin tutucu raketləri, həmçinin Tomahawk və JASSM tipli uzaqmənzilli raketlərin intensiv istifadəsi ABŞ-ın mövcud ehtiyatlarına ciddi təzyiq göstərib.
Məlumata əsasən, bu tip silahların istehsal gücünün artırılması illər tələb etdiyindən, Pentaqon bahalı və strateji əhəmiyyət daşıyan sursatları qorumaq məqsədilə daha ucuz və qısamənzilli silahlardan – JDAM idarəolunan bombaları və Small Diameter Bomb (SDB) sursatlarından daha geniş istifadə etməyə başlayıb.
Rauf
