Yaxın Şərqdə münaqişənin kəskinləşməsi və qlobal təchizat zəncirlərindəki fasilələr bir sıra Afrika ölkələrində yanacağın qiymətinin sürətlə artmasına səbəb olub.
İNFOAZ.MEDİA xəbər verir ki, Somali və Cənubi Sudan-da benzin qiymətləri təxminən iki dəfə bahalaşıb. Mogadishu şəhərində benzinin qiyməti rekord həddə çataraq litri təxminən 1,50 dollara yüksəlib. Bildirilir ki, İranla bağlı münaqişə başlayandan sonra şəhərdə yanacaq qiymətləri demək olar ki, hər gün orta hesabla 10 sent artır.
Ekspertlər Somalinin qlobal qiymət dalğalanmalarına həssas olmasını ölkədə neft emalı gücünün olmaması və idxaldan yüksək asılılıqla izah edirlər.
Oxşar vəziyyət Cənubi Sudan-da da müşahidə olunur. Paytaxt Cuba-da rəsmi yanacaqdoldurma məntəqələrində benzinin qiyməti litri təxminən 2,60 dollar, qara bazarda isə 2,10 dollar civarındadır. Malakal şəhərində isə qiymətlər litri 6,60–7,00 dollara qədər yüksəlib.
Sudan hakimiyyəti qiymət artımının qarşısını almaq üçün yeni yanacaq idxalı proqramı hazırlayıb. Plana əsasən, ölkənin benzin və dizel ehtiyacının yarısını təxminən 30 özəl şirkət təmin edəcək, qalan hissə isə yerli neft emalı zavodları hesabına qarşılanacaq. Yanacaq bahalaşması regionun digər ölkələrində də hiss olunur. Məsələn, Nigeriya-da benzinin qiyməti fevralın sonundan bəri təxminən 60% artaraq litri 0,55 dollardan 0,93 dollara yüksəlib.
Rauf
