Ermənistan ordusunda intihar və nizam-intizam böhranı: Paşinyan işçi qrupu yaratdı
Ermənistan ordusunda hərbçilər arasında intihar hallarının və nizam-intizamla bağlı problemlərin qarşısının alınması məqsədilə xüsusi işçi qrupu yaradılıb.
Ermənistanın Baş naziri Nikol Paşinyanın qərarı ilə formalaşdırılan qrupun tərkibinə ölkənin əsas güc və dövlət strukturlarının rəhbərləri, eləcə də aidiyyəti qurumların nümayəndələri daxil edilib.
İşçi qrupunun əsas məqsədi orduda intihar hallarının artmasına səbəb olan amillərin araşdırılması, nizam-intizam problemlərinin aradan qaldırılması və bu istiqamətdə qabaqlayıcı tədbirlərin hazırlanmasıdır.
Qeyd edək ki, son illər Ermənistan ordusunda hərbçilər arasında intihar və digər ağır insidentlərlə bağlı məlumatların artması ciddi narahatlıq doğurur.
Şəhla Sabirli
İNFOAZ.MEDİA
