Almaniya üçün istehsal olunan ilk F-35A qırıcısı ABŞ-ın Texas ştatının Fort Uort şəhərindəki Lockheed Martin müəssisəsində son tamamlama mərhələsinə keçib.
İNFOAZ.MEDİA xəbər verir ki, MG-01 kodlu təyyarə yekun yığım prosesini başa vurub və hazırda boya və radardan qoruyucu xüsusi örtüyün tətbiqi də daxil olmaqla son işlər görülür. Lockheed Martin ilk Alman F-35A-nın rəsmi təqdimat mərasiminin 2026-cı ilin sonrakı aylarında keçirilməsini və ilk uçuşun da bu il həyata keçirilməsini planlaşdırır.
Almaniya ümumilikdə 35 ədəd F-35A almağı planlaşdırır. İlk təyyarələrin 2026-cı ildə ABŞ-da təlim məqsədilə təhvil verilməsi, Almaniyaya ilk çatdırılmaların isə 2027-ci ilin sonlarına başlaması nəzərdə tutulur.
Rauf
