ABŞ Konqresinin üzvü Ro Khanna İsrailin Baş naziri Benyamin Netanyahunun Beynəlxalq Cinayət Məhkəməsi (ICC) qarşısında mühakimə olunmasının tərəfdarı olduğunu bildirib.
İNFOAZ.MEDİA xəbər verir ki, Khanna ABŞ-ın ICC-nin araşdırmasını dəstəkləməli və Beynəlxalq Ədalət Məhkəməsinin (ICJ) qərarlarına hörmət etməli olduğunu deyib.
“Mən Putinin ICC qarşısında mühakimə olunmasını dəstəklədiyim kimi, Netanyahunun da ICC qarşısında mühakimə olunmasını dəstəkləyərdim”, – Khanna bildirib.
Khanna daha əvvəl də ABŞ-ın ICC ilə əməkdaşlıq etməli olduğunu və Netanyahu barəsində verilmiş həbs qərarının icra olunmasını müdafiə edib. ICC 2024-cü ildə Netanyahu barəsində müharibə cinayətləri və insanlıq əleyhinə cinayətlərlə bağlı həbs qərarı çıxarıb.
Rauf
