Çinin süni intellekt və peyk görüntüləri üzrə ixtisaslaşmış MizarVision şirkəti Tayvanda Sky Bow III hava hücumundan müdafiə sisteminin yerləşdirilməsini göstərdiyi iddia edilən peyk görüntüləri yayıb.
İNFOAZ.MEDİA xəbər verir ki, avqustun 12-si ətrafında çəkildiyi bildirilən görüntülərdə Kaohsiunq şəhərinin cənubunda yerləşən Fenbitou balıqçılıq limanı yaxınlığında hava hücumundan müdafiə sisteminin elementləri görünür.
Görüntülərdə raket buraxılış qurğusu, mobil fazalı antenalı radar və təchizat maşınının yerləşdiyi qeyd olunur.
Sky Bow III (Tien Kung III) Tayvanın yerli istehsalı olan yer-hava raket sistemidir. Tayvan daha əvvəl bu sistemlərin mövcud hava hücumundan müdafiə mövqelərində yerləşdirilməsinə başlayıb.
MizarVision-un hərbi obyektlərin peyk görüntülərini və onların hərəkətini izləməsi ilə bağlı fəaliyyəti daha əvvəl də diqqət çəkib.
Rauf
