ABŞ administrasiyası Avropadakı qoşun yerləşdirmələrinin yenidən nəzərdən keçirilməsi çərçivəsində NATO müttəfiqlərindən Prezident Donald Trampın siyasətlərinə açıq şəkildə uyğunlaşmalarını tələb edir.
İNFOAZ.MEDİA xəbər verir ki, Bloomberg-in əldə etdiyi sənəddə müttəfiqlərə onların ABŞ-ın xarici siyasətini açıq şəkildə dəstəkləyib-dəstəkləmədiyi, ABŞ hərbi bazalarına çıxışı məhdudlaşdırıb-məhdudlaşdırmadığı, ABŞ müdafiə şirkətlərindən alış-veriş edib-etmədiyi və “Made in Europe” təşəbbüslərini dəstəkləyib-dəstəkləmədiyi barədə sualların verildiyi bildirilir.
Məlumata görə, bu meyarlar ABŞ-ın Avropadakı hərbi mövcudluğunun gələcəkdə necə formalaşdırılacağı ilə bağlı qiymətləndirmədə nəzərə alına bilər.
Bloomberg daha əvvəl də Tramp administrasiyasının NATO daxilində müdafiə xərcləri və ABŞ-la təhlükəsizlik əməkdaşlığı məsələlərində müttəfiqlərdən daha konkret öhdəliklər gözlədiyini yazıb.
Rauf
